شهيد الحب
قلبى فى حبك كان ياما شهيد
واسمك على لسانى احلى نشيد
داب عمرى فى ايامك زى الجليد
ورسمتنى صورة وجسدتنى ارقى تجسيد
فى السما صوتك اقوى رعيد
بيخلى الليل شكله كله جديد
بقول للناس عن حبنا العديد
وانك لينت قلبى بعد ما كان حديد
عيونى تدمع من الفراق وانت بعيد
واول ما اشوفك احس بيومى عيد
اول ما ترجع الاقى دمع قلبى سعيد
لانك كنت فى حلمى الهلالى ابو زيد
ده دايما بيملك عرش القلب حب وحيد
وحبك انت دخل فى قلبى وهو رشيد
املى ان حبنا يكون عمره مديد
ويعلا فى السما ويكون نجم مجيد
حبيبى
فى حبك انت كل امالى
وانت اللى شاغلى كل افكارى
ولا غيرك يكون لى رفيق اشواقى
وانت وبس سمير احلامى
تعرف…انك حبيب احزانى
لانك يا حبى جليس الامى
حبيتك ولاقيتك شمعة افراحى
ولاعمرى نسيتك يا خليل ايامى
عيشالك لانك انت زمانى
واديتك من قلبى كل حنانى
بحبك لانك حامل اجزائى
وحبك يا عمرى هو كل حياتى
بحبك وشوفت فيك ملاكى
لانك قلت طول عمرى انا حهواكى
وقلت كمان انا طير فى سماكى
اعلى واطير واعيش فى دنياكى
حبيبى
عيونك هى جنة عمرى
وجفونك هى مالك امرى
رموشك هى دقة قلبى
وحياتك هى منى عينى
فكرك هو نور عقلى
وحضنك عليه انا اجرى
فى بعادك القلب بيدمى
وقربك هو دوا جرحى
معاك انا بلاقى فرحى
وبين ايديك حيسيل شهدى
وياك لازم حينور شمعى
وانت وهواك وحبك قدرى
يا حبيبى ده انت اخر صبرى
وفى حبك انت بيزول دمعى
انا ليك ودايما بدعى ربى
ما تكون لشخص غيرى وحدى
يا …. حبيبى
ليست هناك تعليقات:
إرسال تعليق